影片
更多
2021-08-23
2343 瀏覽
今天朋友有事要到香港仔，之後我們再找吃晚飯的地方，人生路不熟，第一次來香港仔，在遠距離看見十三少酸菜魚大大個招牌，於是就問朋友有冇興趣食，朋友話佢都好奈冇食酸菜魚啦，就去試下。入到店裡，侍應安排我地坐卡位，店舖好光猛，感覺幾舒服，而且座位都好寬敞。餐廳有提供酒精消毒濕紙巾同埋口罩套，非常細心。前菜我地揀左椒麻皮蛋，皮蛋係金黃色，第一次食，賣相真係好靚呀，而且皮蛋係溏心皮蛋，口感嫩滑，帶點微辣。小菜我地揀左麻辣滷豬手，呢個煮得好夠腍，食落去啖啖骨膠原。麻辣度適中，而且花椒八角味好香。魚方面我地揀左酸菜魚，係用鱸魚的，湯底亦都非常豐富，有酸菜，青笋片，杏鮑菇片，秀珍菇，泡菜，野生椒，鮮花椒，干花椒，干辣椒和芝麻，而且魚份量亦都好多，鱸魚肉質嫩滑之餘亦有口感，酸辣度啱啱好，十份開胃。我地好貪心咁明明已經飽都加左甜品紅糖糍粑，因為甜品有第二個胃，而且我未食過呢款甜品，好想試。糍粑外表鋪滿黃豆粉，我地先試左原味，口感煙煙韌韌，之後再加埋紅糖醬黎試，紅糖醬真係好好味，我地之後食每條糍粑都點滿哂紅糖醬，有甜味之餘亦唔會膩，我地雖然好飽都好快就清哂。呢間酸菜魚性價比好高，而且坐得好舒服，侍應亦主動加水
入到店裡，侍應安排我地坐卡位，店舖好光猛，感覺幾舒服，而且座位都好寬敞。
餐廳有提供酒精消毒濕紙巾同埋口罩套，非常細心。
前菜我地揀左椒麻皮蛋，皮蛋係金黃色，第一次食，賣相真係好靚呀，而且皮蛋係溏心皮蛋，口感嫩滑，帶點微辣。
小菜我地揀左麻辣滷豬手，呢個煮得好夠腍，食落去啖啖骨膠原。麻辣度適中，而且花椒八角味好香。
魚方面我地揀左酸菜魚，係用鱸魚的，湯底亦都非常豐富，有酸菜，青笋片，杏鮑菇片，秀珍菇，泡菜，野生椒，鮮花椒，干花椒，干辣椒和芝麻，而且魚份量亦都好多，鱸魚肉質嫩滑之餘亦有口感，酸辣度啱啱好，十份開胃。
我地好貪心咁明明已經飽都加左甜品紅糖糍粑，因為甜品有第二個胃，而且我未食過呢款甜品，好想試。糍粑外表鋪滿黃豆粉，我地先試左原味，口感煙煙韌韌，之後再加埋紅糖醬黎試，紅糖醬真係好好味，我地之後食每條糍粑都點滿哂紅糖醬，有甜味之餘亦唔會膩，我地雖然好飽都好快就清哂。
呢間酸菜魚性價比好高，而且坐得好舒服，侍應亦主動加水，笑容滿滿。好彩我地今日早黎到，因為好快已經坐滿客人了。
張貼
