小清邁 (柯士甸大廈) (已結業)

係附近做完野，行下經柯士甸路見到幾個人排隊等外賣，我又過去睇下，見到個個都好大盒，價錢唔貴就買左番屋企。鮮菠蘿炒飯炒飯炒到幾乾身，粒粒分明，菠蘿香甜多汁，腰果炸到香脆可口，加埋肉鬆味道幾惹味，一齊食口感豐富。泰式炒金邊粉超足料，炒到好均勻，有芽菜花生碎等一齊食幾有泰國風味。芒果糯米飯芒果好香甜，幾多汁，糯米飯偏硬身，加左椰漿味道濃郁。另外見到有蝦片買左一包，好大包，塊塊都係脆卜卜，味道帶少少脆卜卜味道辣辣地。