2派克雞排

營業中

休息中

呢間台灣過江龍小店主打無骨雞排，除此之外更有多款炸雞料理同夜市小食供應。特別之處在於全部炸物都可以因應個人喜好選擇兩款調味粉，每次食都有新意，絕對係掃街之選🤩調味粉有成八款，椒鹽、辣味、咖喱、芥末、麻辣、梅子、海苔同芝士，私心推介梅子，酸甜開胃，可以降低油膩感、海苔都唔錯，基本上配咩食都好味、如果鍾意濃味嘅會建議叫咖喱！脆皮無骨雞排係呢度嘅招牌，即叫即整，新鮮熱辣辣，外層炸至金黃酥脆，內裏多肉又嫩滑，咬落仲會爆汁，一定一定要點。雞柳條都唔錯，相比之下無咁滑但雞味更出，可以一試。第一次食炸咗嘅金菇酥，好有驚喜，又脆又Juicy，性價比高。甜不辣煙煙韌韌，帶咬口，細細條，配埋嘢飲真係幾正。而店員就推介花枝丸，三大粒，爽口彈牙，會回購。