Awesome Bar & Cafe

營業中

休息中

餐廳位於尖東，定期會有唔同主題，搵應援嘅呢度都係錯嘅選擇～ 一入門口就見到樓梯旁擺滿超多Bearbrick模型，打卡一流、食物方面主打西式料理，意粉飯、主食、甜品等，份量十足，價格親民，地點方便，值得到訪一試呀。私心推介法式牛尾煲，以原個大包裝住，外層脆身，內裏軟熟，牛尾骨膠原滿滿，搭配番茄，味道酸甜開胃，如果有多啲醬會更滋味，不過將包點落忌廉湯都幾夾，濃稠度適中，飲落暖胃，忌廉味香而唔淡，唔會好似出邊嗰啲水汪汪。健康之選有特式炒什菜，多種蔬菜集合一齊，調味清淡，食到新鮮菜嘅味道，爽脆，綠油油，有住家飯嘅感覺。甜點則有士多啤梨拿破倫，三層高，咬落薄脆，抹茶Cream甜而不膩，搭配酸甜士多啤梨可降低油膩感，一個人都可以清光。