川莊 (已搬遷) 新店位置

講到旺角嘅川菜一定會諗起川莊！地點位於朗豪坊好方便，晚飯時間通常都大排長龍，可想而知有幾受歡迎(˶‾᷄ ⁻̫ ‾᷅˵) 招牌水煮牛肉 (例牌 Size 可以揀例牌或者珍寶，例牌大概係兩至三個人份量，仲可以揀四款配料，我哋揀咗萵筍條、牛肚、牛柏葉同水晶粉條。水煮牛肉全部都大大塊，中辣好夠味，係必嗌！ 霸王辣子雞 一上嚟已經見到成個碟好多辣椒🤣雞肉份量唔算好多但係都仲保持到肉汁，食嘅時候要小心唔好食到啲辣椒粒！ 翡翠黃金蝦球 全部都係邪惡嘅配搭！黃金即係鹹蛋黃，蝦球炸到脆卜卜，食落好夾，下面嘅係秋葵乾，食落嘅質感好得意，係即食嘅秋葵同樣都係脆卜卜(˶‾᷄ ⁻̫ ‾᷅˵)