影片
更多
2022-09-14
733 瀏覽
好耐無食烤魚啦，見網上介紹呢間店就黎咗！最好提前打電話book，因為Walk in可能等好耐，去到舖頭見到門口都有唔少人等緊位。環境設計有風格，位置闊落坐得幾舒服。餐牌上面有好幾款烤魚口味可以選擇，有辣有唔辣。除咗食烤魚，仲有田雞鍋、蝦鍋、串燒等等可以食。平時去烤魚店除左食烤魚，唔少得既一定仲有糍粑。炸到外脆內軟又煙煙韌韌，加埋黑糖漿甜甜地口感絕配。不過呢間店既糍粑唯一差啲既係唔夠粗，比較細條薄身。重頭戲梗係烤魚啦！我地叫左毛血旺烤魚小辣，湯底味道就唔算好濃，但小辣既辣度都幾辣。呢個烤魚份量都好大，兩個人差點都食唔曬，而且本身個烤魚自帶唔少配菜，例如：薯仔片、午餐肉、娃娃菜等等，所以兩三個人就算唔加其他野都夠食。不過我另外再加左萵筍，煮完吸收左啲湯好入味。特飲都有幾款選擇，我就揀咗呢個西瓜特飲，個人覺得比較甜，唔係特別推介。
環境設計有風格，位置闊落坐得幾舒服。
餐牌上面有好幾款烤魚口味可以選擇，有辣有唔辣。除咗食烤魚，仲有田雞鍋、蝦鍋、串燒等等可以食。
平時去烤魚店除左食烤魚，唔少得既一定仲有糍粑。炸到外脆內軟又煙煙韌韌，加埋黑糖漿甜甜地口感絕配。不過呢間店既糍粑唯一差啲既係唔夠粗，比較細條薄身。
重頭戲梗係烤魚啦！我地叫左毛血旺烤魚小辣，湯底味道就唔算好濃，但小辣既辣度都幾辣。呢個烤魚份量都好大，兩個人差點都食唔曬，而且本身個烤魚自帶唔少配菜，例如：薯仔片、午餐肉、娃娃菜等等，所以兩三個人就算唔加其他野都夠食。不過我另外再加左萵筍，煮完吸收左啲湯好入味。
特飲都有幾款選擇，我就揀咗呢個西瓜特飲，個人覺得比較甜，唔係特別推介。
張貼
