大叻越南牛肉粉餐廳 (書局街)

營業中

休息中

呢度嘅份量真係好大份，無論係飯定係湯河，一個正常女仔係冇辦法食得晒嘅😂我覺得呢度最好食嘅係炭燒豬頸肉飯，豬頸肉燒到脆口但依然可以保留着啲肉汁（不過都會偏鹹）。但由於今日冇男士同我share食嘅關係，我叫咗個生牛肉湯河，食唔晒啲河粉感覺都冇咁浪費呀嘛😅香葉芽菜辣椒青檸檬都比足既，不過我覺得啲牛肉唔算好有濃郁嘅肉味，所以湯都唔算好濃郁，配料搭救。其他朋友就比較支持炭燒雞扒飯，但我自己就覺得麻麻地，雞扒厚，但個人覺得好鹹，而且重食到少少雪藏味，鹹可能係因因佢個雞皮好索味，唔食皮會好d。一邊食肉一邊食飯應該會發現好快啲飯冇晒，因為啲飯攞晒黎送肉。