鮨池壽司店 (已結業)

有一段時間冇落去大埔，今日去左大埔行街，行完街順便附近搵食，海寶花園地下發覺多左好多唔同餐廳，睇黎我真係太耐冇黎啦😅我地今日去左新開「鮨池壽司店」。餐牌多元化，有刺身、刺身拼盤、手握壽司、卷物、手卷、沙律、燒物、小食炸物、丼飯、冷麵等等，除左單點，亦有套餐選擇，價錢合理。鮨池極尚二人前三文魚牛油果沙律沙律色彩繽紛，有沙律菜、蕃茄仔、牛油果、三文魚子、三文魚，沙律菜好Fresh ，三文魚好肥美，味道開胃，作為前菜最適合不過。六點刺身盛活北寄貝一隻、帆立貝刺身2粒、白身魚2切、三文魚2切、大拖羅2切活北寄貝口感爽甜，大拖羅和三文魚都係厚切，三文魚刺身好肥美，沒有筋，而大拖羅油脂細膩豐富，魚香濃郁，刺身非常新鮮。時令壽司8件有目仁奈、池魚、鰹魚、螢光魷魚壽司，飯和醋比例剛剛好，不會一夾就散。目仁奈壽司魚身呈白色，晶瑩剔透，魚肉有彈性。池魚壽司肉質緊實而爽口，味道鮮甜。鰹魚壽司肉質緊實有彈性。黃金海膽燒生蠔2隻燒生蠔好大隻，蠔上面的海膽沒有腥味，口感好Creamy，生蠔燒得剛剛好，肉質鮮嫩，芝士味又不會過濃。吉列A4和牛2串外層炸到金黃香脆，A4和牛，牛味濃郁，沾上醬汁，肉味更提升。松葉蟹鉗野