影片
更多
2020-09-17
36 瀏覽
呢排疫情好似緩和左，所以特登揸車嚟大埔幫襯黃Bar — Dragon BBQ Bar!! 呢間係大埔街坊超級推介既串燒店，見大家都咁力推所以黎試下！！店舖係馬路旁邊，都算方便就腳，呢間係真小店黎，因為舖面真係幾細，大概坐到4-6圍枱，老闆超級nice同好態度，仲好細心介紹有咩好野食～兩個人叫左勁多野食，有店長推介既燒乾坤釀乳鴿 $78 - 上枱果陣係原隻乳鴿上，入面係蝦膠同豬肉釀成，再點兩款特製醬汁，一個係中式喼汁，一個係青蜂蜜芥末醬，好味！另一個汁燒百花釀甲羅 $78 - 蟹蓋唔大，但上面有蟹柳舖面，中間有勁足料鮮味蟹膏，切到底原來仲有蝦膠，口感好豐富，幾抵食～黑松露燒珍寶帶子串 $48，帶子份量夠足，仲有一小塊栗米片係上面，食落一次過有帶子、栗米片同黑松露味，推介！！燒大虎蝦 $48同芝士煙肉燒蠔 $26隻都好新鮮。另外椒鹽鮑魚 $68都估唔到咁好味，上面有啲熱辣辣既炸蒜粒，加埋鮑魚食落好夾！燒肉都點左好多，有厚切牛舌 $28 - 雖然係厚切而且好大份量，但食落唔鞋口，上面加左啲燒汁，食落同牛舌好夾，主要係食完都唔會好口渴狂飲野，可以留返個肚食多啲😬 另外仲點左生燒羊腩串 $58、
呢排疫情好似緩和左，所以特登揸車嚟大埔幫襯黃Bar — Dragon BBQ Bar!! 呢間係大埔街坊超級推介既串燒店，見大家都咁力推所以黎試下！！
店舖係馬路旁邊，都算方便就腳，呢間係真小店黎，因為舖面真係幾細，大概坐到4-6圍枱，老闆超級nice同好態度，仲好細心介紹有咩好野食～
兩個人叫左勁多野食，有店長推介既燒乾坤釀乳鴿 $78 - 上枱果陣係原隻乳鴿上，入面係蝦膠同豬肉釀成，再點兩款特製醬汁，一個係中式喼汁，一個係青蜂蜜芥末醬，好味！另一個汁燒百花釀甲羅 $78 - 蟹蓋唔大，但上面有蟹柳舖面，中間有勁足料鮮味蟹膏，切到底原來仲有蝦膠，口感好豐富，幾抵食～
黑松露燒珍寶帶子串 $48，帶子份量夠足，仲有一小塊栗米片係上面，食落一次過有帶子、栗米片同黑松露味，推介！！燒大虎蝦 $48同芝士煙肉燒蠔 $26隻都好新鮮。另外椒鹽鮑魚 $68都估唔到咁好味，上面有啲熱辣辣既炸蒜粒，加埋鮑魚食落好夾！
燒肉都點左好多，有厚切牛舌 $28 - 雖然係厚切而且好大份量，但食落唔鞋口，上面加左啲燒汁，食落同牛舌好夾，主要係食完都唔會好口渴狂飲野，可以留返個肚食多啲😬 另外仲點左生燒羊腩串 $58、安格斯一口牛 $33、燒五花腩串 $23，好在叫左蘋果酒同菲律賓手工啤，可以消返啲食肉既肥膩感。
老闆好歡迎我地慢慢食慢慢傾計，無平時市區食完趕住埋單既感覺，下次會一大班人再過黎幫襯！
張貼
