麻甩爐海鮮雞煲私房菜 (安樂樓 (已結業)

今日上完堂想食雞煲，發現大埔嘅麻甩爐最平$248可以任食三個鐘，非常抵食。而且三個鐘就唔使好趕咁食，可以慢慢同朋友仔一路食一路傾吓偈先～今日我同朋友揀咗$308嘅絕對新鮮海鮮雞煲套餐，比較特別嘅除咗有雞煲同火鍋，佢仲有個新鮮海鮮拼盤。冰火翡翠螺（一份）翡翠螺一份會有六隻，每隻都好大隻，好厚肉。翡翠螺食落有咬口，鮮甜美味，醬汁鹹鹹地，唔辣。招牌麻甩雞煲（雞無限添加）依個套餐其實有幾款雞煲可以選擇，例如有招牌麻辣雞煲、藥膳花雕醉雞、養生蟲草花雞煲等等，今次我就食最signature嘅招牌雞煲！廚師會喺廚房將雞同醬汁炒好，醬汁非常惹味，辣辣地，仲食得出落咗好多香料，見到有唔少花椒，帶有麻香。雞煲雞件好多，每件都好多肉，沾滿醬汁，非常美味。另外配菜有芫荽、洋蔥同薯仔，薯仔有炸過先落煲，非常香口。動L豪華海鮮拼盤（每位6款）海鮮拼盤非常豐富，今日分別有鮑魚、貴妃蚌、花甲、沙白、龍躉片同海蝦。每款海鮮都非常大隻同新鮮，上檯嗰陣仲見到海蝦喺度郁！鮑魚大大隻，食落有咬口。貴妃蚌、沙白、花甲依啲貝殼類海鮮食落特別鮮甜，每粒肉都脹卜卜。食完雞煲我哋就直接加湯打邊爐，湯底呈奶白色。牛板腱大大塊，肉味濃，唔會