影片
更多
2023-07-17
1023 瀏覽
《CoCo Espresso - 大埔》大埔多左好多間文青cafe，其中一間我好鍾意去既就一定要數CoCo Espresso啦，佢地既咖啡同甜品都做得好出色好穩定，間中我都會去買番杯啡架😋今次同個朋友tea time 過左黎傾下計飲杯野，兩個人試咗兩個主食同埋兩個甜品🍨呢度嘅牛角包窩夫真係一定要試吓呢💙💁🏻♀️墨汁意粉伴牛油香煎北海道帶子$118呢個墨汁意粉我第一次叫，食完之後成咀都變到黑蚊蚊😂好鬼搞笑，接住落嚟有dating嘅話唔建議叫😂不過味道方面絕對係有水準的👍🏻佢嘅墨汁食得出海鮮同墨魚嘅味道，唔會剩係得色素，牛油煎帶子同墨魚汁嘅鮮味好夾，上面中放咗車厘茄同埋提子調味，中和一下油膩感，可以encore💁🏻♀️香煎鱸魚柳配沙律 $138另外一份主菜要咗魚配沙律，咁就唔會食得太多澱粉啦😝個魚皮煎到脆脆的，而入邊嘅魚肉好軟滑，可以配埋旁邊餐廳特製嘅青醬汁，由於餐廳用鱸魚柳嘅關係，唔識吐骨嘅朋友都絕對啱食，而且魚肉唔會腥，味道好易入口😋另外沙律嘅份量都算多，配上酸酸地嘅醋汁一齊食好開胃💁🏻♀️雜莓雪糕奶凍芭菲 $68甜品方面，呢一個雜莓雪糕奶凍芭菲口味幾清新，有士多啤梨同啲雜莓喺忌廉奶凍
大埔多左好多間文青cafe，其中一間我好鍾意去既就一定要數CoCo Espresso啦，佢地既咖啡同甜品都做得好出色好穩定，間中我都會去買番杯啡架😋今次同個朋友tea time 過左黎傾下計飲杯野，兩個人試咗兩個主食同埋兩個甜品🍨呢度嘅牛角包窩夫真係一定要試吓呢💙
💁🏻♀️墨汁意粉伴牛油香煎北海道帶子$118
呢個墨汁意粉我第一次叫，食完之後成咀都變到黑蚊蚊😂好鬼搞笑，接住落嚟有dating嘅話唔建議叫😂不過味道方面絕對係有水準的👍🏻佢嘅墨汁食得出海鮮同墨魚嘅味道，唔會剩係得色素，牛油煎帶子同墨魚汁嘅鮮味好夾，上面中放咗車厘茄同埋提子調味，中和一下油膩感，可以encore
💁🏻♀️香煎鱸魚柳配沙律 $138
另外一份主菜要咗魚配沙律，咁就唔會食得太多澱粉啦😝個魚皮煎到脆脆的，而入邊嘅魚肉好軟滑，可以配埋旁邊餐廳特製嘅青醬汁，由於餐廳用鱸魚柳嘅關係，唔識吐骨嘅朋友都絕對啱食，而且魚肉唔會腥，味道好易入口😋另外沙律嘅份量都算多，配上酸酸地嘅醋汁一齊食好開胃
💁🏻♀️雜莓雪糕奶凍芭菲 $68
甜品方面，呢一個雜莓雪糕奶凍芭菲口味幾清新，有士多啤梨同啲雜莓喺忌廉奶凍上面，口味酸酸地唔會好漏
💁🏻♀️士多啤梨忌廉牛角酥窩夫 $88
嚟呢度又點可以唔食牛角包窩夫呢？😝今次點咗士多啤梨味嘅牛角酥窩夫，窩夫一如既往的出色，上面有層焦糖面，咬落香甜而且酥脆，上面放滿左士多啤梨同埋奶油忌廉，仲有大量士多啤梨醬，如果鍾意食香甜口味的話，呢一個窩夫絕對滿足到你嘅胃口
💁🏻♀️Dirty $42
當日天氣太熱喇，所以我同朋友都係選擇飲凍咖啡， Dirty係我其中一款近來好鍾意嘅咖啡，呢度嘅dirty 味道偏向nutty，撞埋落去冰凍嘅牛奶入面令到個畫面好靚，當然味道都好好啦
💁🏻♀️Iced Latte $39
朋友杯Iced Latte 都幾大杯，配埋餐廳自家嘅咖啡杯影相好打卡able 😚味道方面奶味會較濃少少
張貼
