NUMBER 8 FUSION BURGER (已結業)

喺大坑發現咗一間新burger。竟然係東南亞風味，十分之特別。外型亦同一般嘅burger唔同樣，包嘅形狀係水滴形，分為兩層。造型特別。醬汁除咗有黑醋、芝麻醬、柚子醬、照燒汁、芥末沙律醬之外，仲有特色東南亞醬汁，巴東醬、青咖喱醬、參巴醬，驚喜十足，啱晒鍾意試新口味嘅朋友。Burger 分左Mega，regular 同mini size。配菜分別有薯條，印尼沙律同埋印尼炸雞沙律。飲品方面有款印尼甜茶比較特別。Lunch 除咗burger，仲有扒飯同埋撈麵可以選擇。今次試咗套餐$84🥩水滴煎牛排堡漢堡烤得非常脆口，就算係外賣都保持到好脆。餡料有牛扒，蕃茄，生菜，芝士，黑醋汁。牛扒好淋身，唔會好韌。芝士都好香。🍟薯條份量好多，落左胡椒鹽好香口，而且係粗薯條。外脆內軟。外賣亦保持鬆脆。☕️凍啡咁有特色嘅小店，實在少有。之後都會再幫襯。餐廳仲搞咗個8分鐘challenge，俾$1 可以參加呢個比賽8分鐘內食晒一個吉列豬Mega ，同飲完一杯印度甜茶，如果完成唔到就要俾返個burger嘅錢。完成到就會記低時間上榜。大家有興趣都可以去試吓挑戰。