石磨樂豆

營業中

休息中

招牌三色芋圓西米露揀左無糖，芋圓口感煙韌，食得出淡淡既蕃薯，芋頭，綠茶既味道。 最中意呢間既奶蓋芋泥小丸子超濃郁，芋泥同濃豆乳簡直係絕配。驚艷位係香芋豆乳凍——豆乳凍滑溜得嚟帶淡淡豆香同芋頭味💥見到有枇杷膏豆腐花，如果下次食完烤肉可以試下，喉嚨即刻潤下火。鹹蛋黃碎蛋吐司差啲想嗌，但今次收斂啲食個冇咁重口味既咖哩雞肉吐司。☕️如果想飲熱既可揀9°微甜濃豆乳香醇厚，想香啲既話黑白芝麻豆乳都唔錯幾健康，重點呢間既豆乳係可以揀糖既份量，個人覺得微糖或無糖都好飲，凸出材料既原味。呢間係香港自設5000呎廠房，用A級加拿大黃豆每日鮮製，比較有品質保證。