影片
更多
2025-07-06
123 瀏覽
今次放假我就去咗呢一間超人氣嘅Cafe 😍食佢最出名嘅爆餡盒子吐司😚餐廳嘅位置喺大圍站A出口行4分鐘左右，都幾容易搵到嘅。餐廳嘅格局好日式，而且有滿滿嘅慵懶感，放假喺度食個brunch都幾超㗎😍🌟期間限定-牛油果滑蛋盒子吐司（$78 ）我今次就揀咗佢哋期間限定嘅款式。牛油果好香滑🥰而且麵包本身好香脆😍加埋爆餡嘅滑蛋一齊食真係好滿足，🌟英式全日早餐（$128）另外我就叫咗個All day Breakfast, 內容都好豐富。好欣賞佢嘅窩夫好脆身，而且有淡淡的朱古力味😍而且要大讚佢嘅蔬菜南瓜可樂餅👍酥脆之餘，炸得啱啱好👍🌟豚肉生薑燒配糖心蛋撈烏冬（$88）鍾意食定食嘅你呢度都有好多選擇，今次呢我就叫咗佢哋嘅撈烏冬。烏冬本身好彈牙，而且豚肉嘅份量都好多。仲會配埋一份玉子燒同沙律。都幾抵食㗎🌟開心果巴斯克芝士蛋糕（$66）去到Cafe點可以唔點蛋糕。呢個款式都係佢哋嘅期間限定嚟嘅，開心果味好濃係源自於開心果醬同埋開心果碎碎👍但係味道一啲都唔會死甜，仲有少少果仁嘅鹹香。我自己就好鍾意啦🌟栗子蒙布朗窩夫（$96）媽咪特別鍾意食栗子嘅，所以今次就叫咗呢一個窩夫俾佢😍淡淡嘅栗子味加上雲呢拿雪糕配埋脆脆
今次放假我就去咗呢一間超人氣嘅Cafe 😍食佢最出名嘅爆餡盒子吐司😚
餐廳嘅位置喺大圍站A出口行4分鐘左右，都幾容易搵到嘅。餐廳嘅格局好日式，而且有滿滿嘅慵懶感，放假喺度食個brunch都幾超㗎😍
🌟期間限定-牛油果滑蛋盒子吐司（$78 ）
我今次就揀咗佢哋期間限定嘅款式。牛油果好香滑🥰而且麵包本身好香脆😍加埋爆餡嘅滑蛋一齊食真係好滿足，
🌟英式全日早餐（$128）
另外我就叫咗個All day Breakfast, 內容都好豐富。好欣賞佢嘅窩夫好脆身，而且有淡淡的朱古力味😍而且要大讚佢嘅蔬菜南瓜可樂餅👍酥脆之餘，炸得啱啱好👍
🌟豚肉生薑燒配糖心蛋撈烏冬（$88）
鍾意食定食嘅你呢度都有好多選擇，今次呢我就叫咗佢哋嘅撈烏冬。烏冬本身好彈牙，而且豚肉嘅份量都好多。仲會配埋一份玉子燒同沙律。都幾抵食㗎
🌟開心果巴斯克芝士蛋糕（$66）
去到Cafe點可以唔點蛋糕。呢個款式都係佢哋嘅期間限定嚟嘅，開心果味好濃係源自於開心果醬同埋開心果碎碎👍但係味道一啲都唔會死甜，仲有少少果仁嘅鹹香。我自己就好鍾意啦
🌟栗子蒙布朗窩夫（$96）
媽咪特別鍾意食栗子嘅，所以今次就叫咗呢一個窩夫俾佢😍淡淡嘅栗子味加上雲呢拿雪糕配埋脆脆嘅窩夫🧇。加埋一齊，口感好豐富。而且入邊，仲好有誠意咁加咗原粒嘅栗子👍大讚
14 瀏覽
0 讚好
0 留言
🌟蘋果桂花烏龍（$42）
呢一杯係佢哋新推出嘅飲品，蘋果同桂花嘅味道好夾。成件事好清新，最啱食甜品嘅時候叫，酸酸甜甜👍咁樣都幾解膩
🌟桂花拿鐵（$42）
有花香味嘅latte不嬲都好得我心☺️呢個有淡淡的桂花香但係又唔會搶咗咖啡嘅苦澀😍兩樣味道都幾夾
🍴E FOR EGG (大圍)
📍大圍城河道19-25號城河樓地舖
張貼
