小火焰韓式咖啡廳 (金山樓) (已結業)

今日就同朋友嚟咗大圍呢間小火焰食晚飯，之前喺觀塘嗰間嘢食過好幾次。我哋叫咗炸紫菜卷、牛肉水冷麵、蟹子蛋卷、芝士炸雞同芒果雪花冰。食物質素不過不失，值得一讚嘅係芒果雪花冰幾好食。有食過雪花冰嘅人都知道佢同一般刨冰好唔一樣， 質感細滑而且有味道，令人好似去咗轉韓國咁。而且芒果而家當做，所以味道都相當唔錯。其次就係炸雞，都炸得香脆，但如果芝士醬可以調稀啲可能會更好。水冷麵方面味道都OK，如果凍啲，同埋調味上甜啲清新啲，少啲蛋黃醬應該會更好。整體來講都唔錯，不失為一個同朋友聚腳嘅地方。