大叻越南牛肉粉餐廳 (海灣街)

營業中

休息中

大叻越南牛肉粉食過好多次，覺得都唔錯，性價比幾高，平平哋食下都幾好，天氣咁熱又想食啲冇咁Heavy嘅嘢，所以又去食下🤣午市套餐有飯有麵，都係五十零蚊就有交易。🍴扎肉雞絲撈檬 $56 (7.5/10)份量都好足，扎肉有三塊，生菜絲，青瓜絲，紅蘿蔔絲，口感好豐富，檬粉份量都夠凍，加上酸汁，好清新，好意入口好啱夏天食！雞絲唔會太乾身，撕得都幾細，扎肉有煎香過，正常札肉，唔會太鹹。整體來講都幾唔錯！🍴蝦餅撈檬 $56 (7.8/10)蝦餅即叫即炸，好香脆，入面係紮實嘅蝦肉加葱，有蝦味，好香口，美中不足就係細舊咗啲，得兩塊唔夠食🥹蝦餅好食過雞絲扎肉，但感覺雞絲扎肉好似抵食啲咁，睇落份量多啲XDDD🍴三色冰/紅豆冰 少甜少冰 +$10 (7/10)紅豆冰同三色冰差唔多，三色冰多咗啲菠蘿啫喱，椰汁好香濃，但甜咗啲，紅豆未夠軟淋，加$10有杯特飲就算啦都OK嘅~推薦指數: 7.5/10午餐嚟講都算唔錯，抵食飽肚，唔想食太Heavy嘅話可以試吓呢間。