影片
更多
2023-06-12
58 瀏覽
🍴🍽🍴🍽🍴🍽💖💖💖💖💖🍴🍽🍴🍽🍴🍽-餐廳名翻譯為「我的大叔」但入面嘅環境完全有違和感😂，周圍都有夢幻花花佈置，好浪漫。小店但舖頭靚而且坐得好舒服，每張枱都隔得算開，傾計飲嘢私隱度好夠，坐得又舒服。值得一提餐廳都算vegan friendly ，二人餐入面有一半嘅飯飯都提供素食選擇。兩個女仔叫咗二人套餐($368)，食到好飽又打到卡😆 。🥢 小食-雲呢拿香草粟米棒 🆙呢個好有驚喜，粟米棒係新鮮粟米條切成嘅，上面灑咗酸甜嘅調味粉有少少似韓國杏仁零食嗰隻蜂蜜奶油味，好香濃又同粟米味夾，唔洗成日食薯條咁悶😆。🥢 飯麵-豆乳卡邦尼年糕(素) 🆗豆乳湯偏甜，唔係好重豆乳味但反而食落有忌廉嘅質感，唔會太稀，再加埋新鮮香草味道有層次咗，個人認為用匙羹將年糕連埋湯咁食好好味，但對於朋友嚟講就太甜。除咗年糕仲有少少粉絲增加唔同口感，亦有新豬肉漢堡粒，但真係唔太鍾意新豬肉，如果有得揀返正常版本食煙肉會仲正😂。🥢 主菜-甜辣炸雞 🆗有雞全翼、雞上髀肉同雞槌各兩件，炸皮厚度適中，肉偏瘦唔會太油膩而且都幾厚身，某啲位炸得唔係太嫩但都可以接受。醬汁味道濃郁少少辣反而開胃啲。🥢 焦糖爆谷拿鐵 跟餐+$7 🆙🥢 甜麥仁
-
餐廳名翻譯為「我的大叔」但入面嘅環境完全有違和感😂，周圍都有夢幻花花佈置，好浪漫。小店但舖頭靚而且坐得好舒服，每張枱都隔得算開，傾計飲嘢私隱度好夠，坐得又舒服。值得一提餐廳都算vegan friendly ，二人餐入面有一半嘅飯飯都提供素食選擇。兩個女仔叫咗二人套餐($368)，食到好飽又打到卡😆 。
🥢 小食-雲呢拿香草粟米棒 🆙
呢個好有驚喜，粟米棒係新鮮粟米條切成嘅，上面灑咗酸甜嘅調味粉有少少似韓國杏仁零食嗰隻蜂蜜奶油味，好香濃又同粟米味夾，唔洗成日食薯條咁悶😆。
🥢 飯麵-豆乳卡邦尼年糕(素) 🆗
豆乳湯偏甜，唔係好重豆乳味但反而食落有忌廉嘅質感，唔會太稀，再加埋新鮮香草味道有層次咗，個人認為用匙羹將年糕連埋湯咁食好好味，但對於朋友嚟講就太甜。除咗年糕仲有少少粉絲增加唔同口感，亦有新豬肉漢堡粒，但真係唔太鍾意新豬肉，如果有得揀返正常版本食煙肉會仲正😂。
🥢 主菜-甜辣炸雞 🆗
有雞全翼、雞上髀肉同雞槌各兩件，炸皮厚度適中，肉偏瘦唔會太油膩而且都幾厚身，某啲位炸得唔係太嫩但都可以接受。醬汁味道濃郁少少辣反而開胃啲。
🥢 焦糖爆谷拿鐵 跟餐+$7 🆙
🥢 甜麥仁拿鐵 跟餐+$7 🆙
甜麥仁係似有烤米味嘅卜卜米，味道特別唔係咁易喺其他地方食到，如果想冇咁甜嗌呢個就啱。爆谷嘅焦糖味溶咗去杯咖啡都好香濃😍。咖啡比預期中好飲，唔會太稀/得甜味👍。
🥢 焙茶蛋糕 🆗
🥢 椰子果凍 🆙
蛋糕焙茶味濃，唔會太甜，份量亦都啱啱好唔會太飽👍。椰子凍有驚喜，個樣晶瑩通透之餘椰子味清新一啲都唔假，口感嫩滑👍。
🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7.25/10
-
🍴🍽🍴🍽🍴🍽💖💖💖💖💖🍴🍽🍴🍽🍴🍽
張貼
