BTS美食站

營業中

休息中

呢間泰菜不嬲受歡迎，第一次黎食，又真係唔錯！上菜上得快，員工服務都好，水快飲完請佢哋加佢哋都快手俾到我哋。生菜包肉碎算多，睇落好似冇嘜色，實際食好夠味，生菜都新鮮脆口。冬陰功湯夠7個人飲，入面仲有幾隻大蝦，算係有誠意。湯唔點辣，有椰奶味，不過不失。通菜算多，味道正常。炒金邊粉都唔錯。蠔餅同出面個啲有啲唔同，係乾身蠔餅，加大隻肥美蠔，好食！豬手比較咸，不過肉口感幾好，唔乾唔韌。皮就一貫豬手嘅硬少少。