大叻越南牛肉粉餐廳 (書局街)

營業中

休息中

星期六原本收半晝，點知有突發狀況要留到五點點。咁就同同事附近搵下野食啦。行到書局街見到一堆都係餐廳，選擇困難。好在同事話呢間越南野都唔錯，就去試下。我就叫左個豬頸肉，同事就叫個雙拼(雞拼豬扒)。上到枱大大碟😍淨係啲豬頸肉份量都真係足一碟小食份量，出面點止呢個價。食落啲豬頸肉燒得好香口。加埋個汁真係酸酸地辣辣地幾開胃。同事提我，食飯要落佢枱側邊銀色果壺飯汁，送飯一流。食落有啲似有香料既甜度鼓油，又真係唔錯喎。跟餐叫左杯龍眼𣲙，呢杯就真係太甜。等啲𣲙溶左都好甜吖。不過店面既服務員態度又真係有少少要改進，態度友善少少會好啲。