886巷 (已結業)

突然想食台灣嘢，諗起元朗嘅886巷，價錢相宜，份量又超勁，叫咗一大袋食物返屋企同朋友一齊食🔅黑金剛牛尚燒 牛尚燒整得好入味，食落帶有焦香，肉質軟淋，用上秘製醬汁調味，配菜相當豐富，有滷蛋同西蘭花，飯上面仲有肉燥，用嚟撈飯食啱晒🔅鐵路排骨飯排骨好大塊，整得好入味，配菜同樣有滷蛋同蔬菜，仲有台灣腸，份量好驚人🔅台南六寶丸 一碗入面好多粒丸，有好多款式，大粒又彈牙，當中有啲係有餡料，口感十足🔅三角雞軟骨雞軟骨炸得好香脆，軟骨食落有口感，而且食落唔油膩🔅夜市拼盤拼盤都豐富，每款食物都有啲，好啱同朋友share，有鹽酥雞、三角雞軟骨、台灣腸、地瓜條、甜不辣同芋圓球🔅生煎包一口生煎包啱啱好一啖一粒，咬入口滿滿豬肉餡料，外脆內軟🔅麻辣無骨鴨掌、鴨血、豬大腸 三款食物都煮得非常入味，麻辣程度可以接受，麻辣味道幾惹味，豬大腸處理得好無異味🔅九份手工芋圓仙草 芋圓口感煙韌，仙草嫩滑，仲加入紅豆，口感豐富