炑八韓烤親子餐廳 (愉景新城)

營業中

休息中

今日行過愉景新城，想食下韓燒，於是去左呢間親子餐廳度食。餐廳有好多遊樂設施，幾啱小朋友過嚟。一入座已經有一堆韓式前菜，分量相當多。野食仲有一系列兒童餐，感覺幾繽紛。揀左一份好可愛嘅豬扒蛋包飯，係兔仔造型，得意到唔捨得食！野食要左一份燒肉拼盤，有齊牛肋肉、牛扒、豬梅肉、雞扒、菇，非常豐富，每款肉都有醃過，醃料好香，肉質都好軟腍。另外要左一份漢堡扒餐，本身已經燒好左，不過可以放上個爐度燒熱佢。漢堡扒勁大份，好足料，仲有蛋黃同芝士送，撈埋一齊食好正！再叫左一份摩天輪小食，有齊炸年糕、紫薯餅、飯卷、薯條等等小食，好香口，而且摩天輪仲識轉，幾過癮！野飲要左柚子梳打，非常解膩消暑，正！