CURATOR Art & Café (已結業)

放工和朋友來到尖沙咀K11 Musea 呢間既夢幻又有藝術氣息餐廳🎨，餐廳內燈光會變色，好夢幻呢！適逢今期主題是小王子🤴，太喜歡了，餐廳內有著小王子的擺設，小王子迷必定欣喜。重點推介，有藝術打印凍朱古力，係小王子的，實在靚和吸精到不得之了，完全唔捨得飲，影相打咭之選。朋友唔飲奶類的，點了一杯蜂蜜青檸，也說很不錯呢！食物方面，我們點了酥脆雞錘配水牛芝士醬，價錢$58，雞錘好脆口，平時唔太吃炸雞外皮的都忍唔住食埋，！大蝦意粉，價錢＄178，大蝦好彈牙，配上濃郁蕃茄醬，吃得開胃又開心。仲有，招牌莎樂美腸薄餅，價錢＄78，薄餅餅底烘焗得香脆，配上咸香的沙樂美腸，也是很不錯的。餐廳環境舒適，裝飾擺設令人感到開心愉悅，食物質素正面，打咭必到之選，下次要再來。