Lady Nara

營業中

休息中

尖沙咀海港城泰國曼谷人氣粉紅系既打卡餐廳，主打泰式Fusion菜，店內裝修靚靚，當然要去影吓相打卡啦！餐廳內有多個打卡位，夢幻粉紅風格，而最靚嘅打卡位莫過於用滕做嘅韆鞦，又有好多綠色天然植物，設計別出心裁，加上一覽無遺既維港海景，值得一試嘅泰國餐廳！我哋二人就各點咗一份午餐，包括沙律、湯品、主菜及飲品。沙律菜非常新鮮有菠蘿、車厘茄、椰菜、生菜等，口感爽脆，配上清新嘅泰式沙律汁，越食越開胃。餐湯可選冬蔭功或是日餐湯  ;  冬蔭功香味濃郁，配料豐富，酸酸地，香辣惹味。泰式雞肉炒金邊粉    $158鑊氣十足嘅金邊粉，炒至微微焦香，少少酸，帶有淡淡甜味，亦有辣同鹹味，依款炒粉裡面有齊咁多味道都好鍾意，係碟嘅側邊擺放三款調味料 : 辣椒粉、砂糖及花生碎，隨個人喜好自由調味，亦可加青檸汁拌勻，味道非常清新  ;  雞肉嫩滑，芽菜爽口，仲有蝦米，食落非常惹味！香茅豬扒 配 白飯    $138豬扒煎得香脆，微微焦香，肉質軟嫩，份量都唔少，入口好嫩滑，配搭自家製泰式辣汁，少少辣帶啲麻香，與白飯一齊食好夾，好美味。餐飲係跟配兩杯咖啡或茶  ;  凍檸檬茶冰冰涼涼，茶底清徹，散發檸檬香味。