稻埕飯店 (V Point) (已結業)

今晚約埋3個朋友一行4人去左銅鑼灣登龍街V Point嘅稻埕飯店食飯。呢間係朋友揀嘅，佢話上網睇過覺得好有特色，一定要試下喎。個環境真係好好feel, 好夢幻。以紫紅色為主，怖置漂亮，打卡一流。order左5個菜加個湯，先來個前菜- 話梅小山藥，初時仲以為係酸蘿蔔，原來係鮮淮山，淮山浸透話梅汁，酸酸甜甜又爽口，極之開胃。白滷水九乳鮑魚入味煙韌，好味道真係好想叫多碟叫左3柸cocktails, 其中一個我好鐘意叫‘好……茶”，係有3柸酒，分別由淡味至濃味，再加上鳳梨酥，提子，無花果乾伴碟配酒，好特別最值得一讚就係呢個蟹肉蛋白泡泡脆米金湯，好特別，好似有個雪糕球起面，唔講係湯，仲以為甘快有甜品食🤣鹽酥波士頓龍蝦角豆金瓜龍蝦、南瓜、秋葵仲有脆米全部炸到脆卡卡，都係第一次食脆嘅龍蝦同秋葵，呢個食法都唔錯，賣相亦非常精緻個鐵板香煎法國鵝肝牛小排，牛小排熱騰騰，好香牛肉味道。一口鵝肝，細細舊唔會覺得膩八斗子炒飯材料豐富，有帶子，瑤柱，肉鬆，蝦，好正仲有個黑松露奶油鮮百合花，好香松露味道，好creamy食物高質，服務態度好又夠細心，朋友果然冇介紹錯😊