合時小廚 (裝修中)

合時小廚朋友歡聚、搵間中式小炒店、食吓嘢、飲吓酒、吹吓水。～ 紅燒乳鴿屬於童年回憶嘅美食之一、不過近年由於食材來源及品質控制成本關係、超過10 年市面上嘅餐廳9成出品都係濫於充數之流。呢樹賣嘅乳鴿願意花本選用靚料、入口嫩滑無渣又有肉汁、90 分！～杏汁湯真心㗕我個人並不太懂欣賞近年流行用杏仁磨汁燉湯做法、還是比較喜歡傳統杏仁原粒清燉。呢到嘅杏汁湯入口清潤、非常足料又夠熱辣辣、唔錯。～椒鹽吊片入口鬆化、好味道。～生啫魚雲煲上枱熱辣辣夠哂鑊氣加上大量薑蔥爆炒香噴噴、魚雲非常新鮮夠乾身、送酒妙品～上湯蝦煎米粉老實講賣相一d都唔吸引、 芡汁成Pat嘢好似鼻涕咁。不過中蝦入口非常之鮮甜、靈魂主角其實係d煎米粉、吸收哂d鮮甜味、兩面又煎到脆卜卜、𥚃面軟滑滑、一啖蝦一啖煎米粉、鮮美非常、好味道。～百花炸釀蝦多士大大件、蝦肉新鮮足哂料、油溫控制得宜、入口香脆可口、是喜歡食蝦嘅朋友必吃之選～韮菜花銀魚小炒皇師傅功力之作、夠哂乾身同鑊氣、食到一口接一口停不下來。唔好睇小呢個小炒皇、工序繁複、下欄嘢又賣唔到好價、好多餐廳嘅師傅都係 hea住做～炒涼瓜師傅用心做、簡簡單單由生炒熟、配合小量嘅蒜頭豆豉爆炒、香氣