牛記福來居

營業中

休息中

我真係好驚訝原來呢間舖頭無乜人寫食評，因為呢間舖頭真係堅好食。舖頭有兩邊，不過都係同一間，一坐低就有窩湯送，又有飯後果，非常體貼。好嘞，入正題，佢基本上好多樣野都好味，生炒排骨、炸豬大腸、琵琶豆腐、黃金涼瓜、啫啫雞煲、霸王雞等，不過我自己最鍾意嘅就係佢嘅肉片煎米粉同埋豉油王炒麵，肉片煎米粉係將d米粉壓扁平至餅狀，然後煎香，再落蛋花芡汁同肉片，個芡汁不但無整淋晒個煎米粉餅，而且反而令到個粘米粉，口感煙韌非常好；至於個豉油王炒麵，由於呢間鋪頭主打做海鮮，所以鑊氣一定夠，因此個豉油王炒麵炒得好乾身好香。最後要一提嘅就係佢d炒菜，好青綠好嫩好夠鑊氣，值得推薦。