羅麥記 (荃新天地) (已結業)

如心的 L Hotel 做特價，連早餐聖誕夜一晚房價只是 $506，平到咁無理由唔住番一晚。晚上，去了附近的荃新天地搵嘢食，見有間羅麥記主打懷舊茶記風味，一於試下。叫咗個【闊佬炒飯】即鴛鴦炒飯，同埋一個焗豬扒飯。飲品因為是日假期，無跟餐優惠，要俾正價，所以只叫了一杯 熱【生薑蜂蜜水】。兩個飯的份量都OK，味道也不錯。焗豬飯的飯底係有蛋絲炒過的，所以會香啲，之不過焗豬飯個汁就 “漏” 咗啲，好在杯生薑蜂蜜水幫到手，夠薑之餘，仲可以解下滯。