影片
更多
2021-04-09
48 瀏覽
有時口痕真係好想食下川菜，貪佢對味蕾夠晒刺激，特別係串串香、麻辣燙、麻辣火鍋之類，好味之餘又過足辣癮。今日朋友搵咗間位於旺角呢邊嘅舖頭，主要係食成都串串香嘅，以往喺中國成都嗰邊食過幾次正宗串串香，有時都好懷念嗰種味道。呢到係玩放題形式，俾一個價錢就可以限時內任嗌餐牌上有嘅食材，相當貼近香港人出街食飯嘅慣常形式。餐牌望落有好多選擇，基本上我哋想食嘅都有得揀。另外加$22就可以有埋飲品放題，咁食辣嘢又無理由唔加埋嘅，哈哈。食法係我哋揀定個湯底(揀完唔可以再轉)，跟住再喺Menu上面揀好每款食材嘅數量，食材就會喺廚房淥熟晒，再浸落個大湯碗上菜。我地前後總共叫咗兩Round，兩次都無明顯漏到單(因為我地tick咗啲咩都唔係好記得)。湯底方面，我同朋友雖然算食得辣，為求穩陣都係揀咗小辣+正常，我哋覺得唔會話太辣，可以輕鬆應付到。至於食材方面，個人嚟講比較推薦麻辣牛肉、百頁結、豆卜、海帶、萵筍，我覺得呢啲同麻辣湯底本身比較夾，其他食材就按照返大家喜好去選擇就可以~~仲有其他餐前小食可以任叫，選擇幾多，所以我哋叫咗幾碟嚟試下，分別有棒棒雞、涼拌海帶絲、香辣蓮藕片、麻辣千層肚、香辣無骨鳳爪。呢啲小食細
食法係我哋揀定個湯底(揀完唔可以再轉)，跟住再喺Menu上面揀好每款食材嘅數量，食材就會喺廚房淥熟晒，再浸落個大湯碗上菜。我地前後總共叫咗兩Round，兩次都無明顯漏到單(因為我地tick咗啲咩都唔係好記得)。湯底方面，我同朋友雖然算食得辣，為求穩陣都係揀咗小辣+正常，我哋覺得唔會話太辣，可以輕鬆應付到。至於食材方面，個人嚟講比較推薦麻辣牛肉、百頁結、豆卜、海帶、萵筍，我覺得呢啲同麻辣湯底本身比較夾，其他食材就按照返大家喜好去選擇就可以~~
仲有其他餐前小食可以任叫，選擇幾多，所以我哋叫咗幾碟嚟試下，分別有棒棒雞、涼拌海帶絲、香辣蓮藕片、麻辣千層肚、香辣無骨鳳爪。呢啲小食細細碟，唔會太頂肚，又可以過足癮！
食完小食同埋串串香之後，最後食埋成都老冰粉收尾，冰粉上面舖有少量芝麻、提子乾等等，味覺體驗更加豐富，咁就完結咗呢一餐川菜。
張貼
