影片
更多
2023-08-02
17 瀏覽
鳳尾蝦泰式金邊粉 $68呢個鳳尾蝦金邊粉真心推介，首先，佢非常足料！一嚟已經俾佢嗰幾隻大大啖啖肉嘅蝦吸引咗，再加上有埋其他伴碟：花生碎、香料碎，撈埋金邊粉一齊食，正！另外，炒金邊粉其實係極高難度，自己炒過就知道，呢度炒得乾身又唔燶；而且調味啱啱好，非常出色。泰式清湯腩船粉 $50叫咗一個乾炒金邊粉，想要一個濕濕地嘅湯河，於是揀咗清湯腩。飲咗啖湯先，好清甜。估唔到有幾舊大蘿蔔，好好食，都係清甜冇喳。清湯腩，軟綿綿、好淋身，牛肉味濃郁，超正！泰式豬頸肉 $98 燒到燶邊嘅泰式豬頸肉，淨係賣相都一流。就咁食咗一片，已經好好味！因為佢本身已經有少少底味，而且醃得幾好；再點埋秘製醬汁，少少辣溝少少酸，好刺激味蕾，嘩，不得了！勁好食！泰式凍奶茶鍾意泰式奶茶茶味重得嚟，又可以好滑！而且甜度啱啱好，食完個豬頸肉醬汁，飲一啖，爽！香茅特飲$20呢度除咗平時常見嘅餐廳嘢飲，檸茶檸水咖啡奶茶，仲有唔少特飲，今次試吓香茅。見到呢杯香茅顏色好似淡淡地，但味道非常濃郁，香茅味聞到清香、飲落順喉又舒服，非常唔錯！
鳳尾蝦泰式金邊粉 $68
呢個鳳尾蝦金邊粉真心推介，首先，佢非常足料！一嚟已經俾佢嗰幾隻大大啖啖肉嘅蝦吸引咗，再加上有埋其他伴碟：花生碎、香料碎，撈埋金邊粉一齊食，正！
另外，炒金邊粉其實係極高難度，自己炒過就知道，呢度炒得乾身又唔燶；而且調味啱啱好，非常出色。
泰式清湯腩船粉 $50
叫咗一個乾炒金邊粉，想要一個濕濕地嘅湯河，於是揀咗清湯腩。飲咗啖湯先，好清甜。估唔到有幾舊大蘿蔔，好好食，都係清甜冇喳。清湯腩，軟綿綿、好淋身，牛肉味濃郁，超正！
泰式豬頸肉 $98
燒到燶邊嘅泰式豬頸肉，淨係賣相都一流。就咁食咗一片，已經好好味！因為佢本身已經有少少底味，而且醃得幾好；再點埋秘製醬汁，少少辣溝少少酸，好刺激味蕾，嘩，不得了！勁好食！
泰式凍奶茶
鍾意泰式奶茶茶味重得嚟，又可以好滑！而且甜度啱啱好，食完個豬頸肉醬汁，飲一啖，爽！
香茅特飲$20
呢度除咗平時常見嘅餐廳嘢飲，檸茶檸水咖啡奶茶，仲有唔少特飲，今次試吓香茅。見到呢杯香茅顏色好似淡淡地，但味道非常濃郁，香茅味聞到清香、飲落順喉又舒服，非常唔錯！
張貼
