影片
更多
2018-07-17
91 瀏覽
今日屋企人唔想煮飯，所以近近地揀咗附近嘅酒樓晚膳。四個人食飯，我哋揀咗一個湯，兩個菜，一個包點。以下係可以參考嘅餐牌 :我哋慣咗平時食飯一定要叫湯，所以就揀咗金銀菜燉白肺 ($128)。 金銀菜燉白肺 - 金菜嘅意思就係菜乾，銀菜就即係白菜。白肺都真係幾白，洗得非常乾淨。湯嘅份量好多，四個人每人都飲到兩碗。侍應好快手幫我地夾起咗啲湯渣，夾起都有一大碗，仲好貼心咁俾埋豉油我哋。除咗白菜，菜乾，豬肺之外，仲有豬肉同埋雞腳。每人都分到兩三舊豬肺，非常足料。如果淨係食湯渣都已經飽左一半。屋企人話想食鮑魚喎，見佢平平哋$9.8一個人一份，梗係順下屋企人意啦。一人一舊鮑魚冬菇西蘭花，非常抵食。論質素亦都相當有水準，鮑魚汁夠膠質，味道亦都唔會蓋過咗鮑魚嘅鮮味。泰皇蝦球通菜($78)，呢個雖然係炒得有鑊氣，但係都稍為有啲肥膩。有心思嘅係，有蒜頭粒，辣椒絲，仲有薑絲，所以入口有豐富嘅味道。蝦球冇想像中咁出色，用嘅係冰鮮貨而且冇乜蝦味。但係作為一個炒菜係好食嘅，不過亦都因為有蝦所以定價較高。生煎包，食落口係香嘅，個底煎到金黃色。不過包質比較普通，相對上比較軟熟，唔係有彈性嘅感覺。裏面嘅餡唔係好足，肉質亦都
四個人食飯，我哋揀咗一個湯，兩個菜，一個包點。以下係可以參考嘅餐牌 :
我哋慣咗平時食飯一定要叫湯，所以就揀咗金銀菜燉白肺 ($128)。
金銀菜燉白肺 - 金菜嘅意思就係菜乾，銀菜就即係白菜。白肺都真係幾白，洗得非常乾淨。
湯嘅份量好多，四個人每人都飲到兩碗。侍應好快手幫我地夾起咗啲湯渣，夾起都有一大碗，仲好貼心咁俾埋豉油我哋。除咗白菜，菜乾，豬肺之外，仲有豬肉同埋雞腳。每人都分到兩三舊豬肺，非常足料。如果淨係食湯渣都已經飽左一半。
屋企人話想食鮑魚喎，見佢平平哋$9.8一個人一份，梗係順下屋企人意啦。一人一舊鮑魚冬菇西蘭花，非常抵食。論質素亦都相當有水準，鮑魚汁夠膠質，味道亦都唔會蓋過咗鮑魚嘅鮮味。
泰皇蝦球通菜($78)，呢個雖然係炒得有鑊氣，但係都稍為有啲肥膩。有心思嘅係，有蒜頭粒，辣椒絲，仲有薑絲，所以入口有豐富嘅味道。蝦球冇想像中咁出色，用嘅係冰鮮貨而且冇乜蝦味。但係作為一個炒菜係好食嘅，不過亦都因為有蝦所以定價較高。
生煎包，食落口係香嘅，個底煎到金黃色。不過包質比較普通，相對上比較軟熟，唔係有彈性嘅感覺。裏面嘅餡唔係好足，肉質亦都比較普通。作為香口小食還好。
最後好貼心咁附送生果盤，服務質素一流！
張貼
