彩福喜宴

營業中

休息中

Item: 彩福喜宴
Rating: 5
Author: dadama

Choi Fook Delight Banquet

3.5

138 食評

味道

環境

服務

衛生

抵食

3816

北角

$101-200

粵菜 (廣東) 海鮮點心酒樓少鹽少糖食店

資訊:
餐廳:	彩福喜宴

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

dadama

等級3

今日有啲事落咗炮台山，悶悶地唔知道食乜好，諗諗吓有啲想去食叉燒，結果就兩個人走咗去酒樓，諗返起都幾好笑！去到酒樓就唔係淨係食叉燒咁簡單，叫咗個燒味拼盤，燒腩仔加叉燒，燒腩仔果皮夠趣，中間嗰層肥肉夠爽口，叉燒偏瘦，但係唔會乾爭爭，蜜汁夠香！已經好滿足！加咗碟炒米粉，上枱又係大大碟，熱辣辣夠香口鹹鹹地，搞到我又貪心要多咗個中式牛柳，唔知係唔係最近真係食唔夠牛肉，佢個中式牛柳酸酸甜甜，甜甜酸酸，送返個米粉一流！一坐低已經見到佢哋有芝麻卷，一早就叫咗一份，細細條，唔會太甜，好味！依家想食都唔係度度有得食！其實餐飯有個小插曲，話說我叫咗個茄子斑腩煲，茄子食咗一舊勁好味，食咗一夠魚唔對路，好腥，叫過部長，有禮貌咁同佢講，真係食唔到，佢二話不說，攞咗對筷子，夾起一舊魚，食哂，然後望住我，係呀，真係有啲腥，我即刻幫你取消咗佢。唔做作，唔多說話，夠爽快，部長，謝謝你！下次會同媽媽嚟飲茶再食燒腩仔！

今日有啲事落咗炮台山，悶悶地唔知道食乜好，諗諗吓有啲想去食叉燒，結果就兩個人走咗去酒樓，諗返起都幾好笑！

去到酒樓就唔係淨係食叉燒咁簡單，叫咗個燒味拼盤，燒腩仔加叉燒，燒腩仔果皮夠趣，中間嗰層肥肉夠爽口，叉燒偏瘦，但係唔會乾爭爭，蜜汁夠香！已經好滿足！

加咗碟炒米粉，上枱又係大大碟，熱辣辣夠香口鹹鹹地，搞到我又貪心要多咗個中式牛柳，唔知係唔係最近真係食唔夠牛肉，佢個中式牛柳酸酸甜甜，甜甜酸酸，送返個米粉一流！

一坐低已經見到佢哋有芝麻卷，一早就叫咗一份，細細條，唔會太甜，好味！依家想食都唔係度度有得食！

其實餐飯有個小插曲，話說我叫咗個茄子斑腩煲，茄子食咗一舊勁好味，食咗一夠魚唔對路，好腥，叫過部長，有禮貌咁同佢講，真係食唔到，佢二話不說，攞咗對筷子，夾起一舊魚，食哂，然後望住我，係呀，真係有啲腥，我即刻幫你取消咗佢。唔做作，唔多說話，夠爽快，部長，謝謝你！

下次會同媽媽嚟飲茶再食燒腩仔！