鳴虎 (北角匯二期) (已結業)

剛剛去完旅行，上個週日就安排咗自己訓到自然醒、差差電，中午就諗住去屋企附近嘅北角匯食午餐，突然有啲想食拉麵，所以就去咗一田超市隔離嘅拉麵舖試試。四國香蔥油拉麵呢碗拉麵啱曬鍾意食蔥嘅朋友，整碗滿滿都係蔥，湯底味道濃郁，散發陣陣蔥香，拉麵粗入口順滑而富彈性，兩片叉燒肥瘦均勻，略帶咬口。博多黑蒜油拉麵黑蒜油拉麵蒜香撲鼻，配叉燒、木耳絲、蔥花、糖心蛋同紫菜，份量十足，拉麵煙韌度剛剛好，吸收曬湯底嘅味道，越食越滋味。