榮安小食

營業中

休息中

昔日在屯門居住時，跟太太最喜歡在附近一帶食車仔麵，除了近生果檔的肥媽外，另一間最常光顧的就一定是榮安。仍記得當年只是十圓八塊，連兩個麵餅都不過$20左右，已經吃得飽飽的。偶爾經過時，都會重溫一下當年的風味。老實說，不論門面及味道，多年來都不變，老闆娘依舊粗聲粗氣，但很有街坊的感覺。米粉底配生菜、魚肉、豬腸及魷魚，基本上好幾樣食材都是無味，唯有加點腩汁及豉油，魚肉粉質不會太重，豬腸多年來保持水準，預先已經剪好，炆得軟稔入味，油脂不會過多，配合什麼麵底都可以，真是百搭，魷魚只憑豉油吊味，但多年來都是食極唔厭。雖然離開時差不多9點幾，但依然人頭湧湧，又真係幾好生意喎。