小曼谷泰國美食 (教育路) (已結業)

即使係酷熱嘅天氣都係無阻我食泰國餐嘅決心,而且酸酸辣辣更加開胃添。今日去元朗國行街，當然去幫襯我至愛嘅小曼谷泰國美食啦。兩點鐘入座，剛剛好又可以揀下午茶又可以揀午餐，一坐低揀好嘢食之後先送上兩個例湯，今日真係有食神，例湯轉咗做冬陰功湯。然後冰凍嘅生蝦就上枱了,非常新鮮,蝦肉又彈牙.唔少得我第二至愛香葉炒肉碎,微辣香口,生菜新鮮爽脆,包豬肉碎食真係好夾.泰式燒牛柳配木瓜沙律,呢個係下午茶餐嚟嘅,但份量都唔少,牛柳燒得剛剛好,木瓜沙律酸甜開胃.黃咖哩雞肉配蒜蓉包,咁熱唔想食飯當然係食包啦,食完都唔會好飽.最後仲用咗個特惠價錢跟餐配兩個小食,炸春卷份量都唔少,泰式鳳爪有咬口,今日真的飽飽了.人均消費💰 ： ＄ 200總結✍ ： 套餐選擇多,味道夠正宗NatNat評分💎💎💎💎(5💎為最高)