嚐館 (已結業)

幫同事拎嘢返屋企，之後落去附近嘅黃大仙中心食晚飯，同事話南館有間嚐館，餐廳裝修時尚又光猛，食物方面質素唔錯，價錢大眾化，值得一試。燒汁茄子斑腩煲，跟湯和白飯茄子色澤鮮艷，食落口感軟綿，配上嫩滑的 斑腩，經爆香後的醬汁一起食，十分惹味！配埋白飯食最好味。餐湯係粉葛豬骨湯，夠火候又足料，啖啖都鮮甜美味。鮮茄焗豬扒飯，即叫即做，上枱仲係熱辣辣，豬扒食落好爽嫩，茄汁味甜中帶酸，有層次！炒飯炒得夠乾身，仲有好香芝士，每一啖飯都食到濃郁嘅汁，真係好吸引！紅豆冰：大大粒嘅紅豆熬得起沙，啖啖的紅豆香加上順滑濃郁的淡奶香，簡直是絕配！