立鮨

營業中

休息中

今日去大埔一田辦年貨，响附近見到間新開日本嘢，咁就揀左呢度食晚飯。環境非常乾淨，有吧枱同普通枱，吧枱下面有個位可以放袋，仲要向下傾斜，唔會跌出黎，可見餐廳幾有心思。呢度用QR code落單，餐牌有很多唔同種類嘢食，真係好多選擇，我哋隨便點左d。牛油果軟殼蟹沙律：牛油果夠淋，軟殼蟹香脆，下面係青瓜絲同蟹柳絲，份量唔少，簡簡單單配沙律醬就已經ok。串燒：有雞軟骨、牛舌芯同鹽燒雞翼，即叫即燒，熱辣辣，好香口，加少少檸檬汁食幾清新，好夠味道。燒三文魚鮫：兩件大大件，燒得夠香，魚油滲晒出黎，好好食。手卷：叫左劍魚腩手卷同埋油甘帶子手卷，兩款手卷嘅刺身新鮮，帶鮮味，入口帶薄薄油脂，幾好。精選壽司盛合：八件壽司有赤身、三文魚、赤蝦、北海道帶子、北寄貝、鰻魚、日本真雕同海膽等，刺身同樣新鮮，帶鮮味，仲有迷你烏冬，食完都幾滿足。壽喜燒牛肉鍋：牛肉味濃，湯底甜甜地，裏面有娃娃菜、金菇豆腐同芽菜，配料夠吸汁，套餐跟一個白飯，全部一齊食又幾好味。飲品：叫左富士山柚子梳打同巨峰乳酸梳打特飲，兩款都係日本飲品，幾好飲。