影片
更多
2023-12-05
15 瀏覽
近排嘅工作壓力指數直升，即刻約返一班好朋友出嚟，嚟個吐苦水大會(・ω・)ノ而一班人最好嘅就當然係食泰國菜啦！👍🏻泰式海鮮菠蘿炒飯呢個炒飯絕對係物超所值，裏面蘊藏嘅海鮮相當折墮，除咗有大蝦、魷魚、更加有青口，加上肉鬆，臘腸以及提子乾相當正宗，原條菠蘿切粒放在一旁，同樣清甜。👍🏻泰式鳳尾蝦炒金邊粉金邊粉色澤橘紅，炒得尚算乾身，口味偏甜身，令人注目嘅係肥大嘅芽菜式食落爽脆，粉條煙靭！👍🏻泰式船湯河本日最愛，特別係呢排天氣轉涼。河粉滑溜湯底濃郁，牛肉片軟腍，五粒肉丸亦都食出牛香，豬皮香脆不油膩，香葉嘅份量加得剛剛好！👍🏻泰式燒鮮魷魚魷魚嘅size都幾巨型，食落有輕輕嘅炭火味道，咬落去亦帶點嚼頭！👍🏻泰式冬陰功湯冬陰功搭配一條巨型嘅大頭蝦，入口椰香味會較出眾，輕輕嘅辣度容易令人接受，而且裏面嘅大蔥、蘑菇、車厘茄都有香茅嘅香氣，煲得夠晒火候👌🏻 泰式肉碎生菜包肉碎相當有份量，半肥瘦嘅豬肉連同洋蔥頭已經夠哂惹味，不過略嫌調味相對淡咗少少，生菜可以加多兩三片！
👍🏻泰式海鮮菠蘿炒飯
呢個炒飯絕對係物超所值，裏面蘊藏嘅海鮮相當折墮，除咗有大蝦、魷魚、更加有青口，加上肉鬆，臘腸以及提子乾相當正宗，原條菠蘿切粒放在一旁，同樣清甜。
👍🏻泰式鳳尾蝦炒金邊粉
金邊粉色澤橘紅，炒得尚算乾身，口味偏甜身，令人注目嘅係肥大嘅芽菜式食落爽脆，粉條煙靭！
👍🏻泰式船湯河
本日最愛，特別係呢排天氣轉涼。河粉滑溜湯底濃郁，牛肉片軟腍，五粒肉丸亦都食出牛香，豬皮香脆不油膩，香葉嘅份量加得剛剛好！
👍🏻泰式燒鮮魷魚
魷魚嘅size都幾巨型，食落有輕輕嘅炭火味道，咬落去亦帶點嚼頭！
👍🏻泰式冬陰功湯
冬陰功搭配一條巨型嘅大頭蝦，入口椰香味會較出眾，輕輕嘅辣度容易令人接受，而且裏面嘅大蔥、蘑菇、車厘茄都有香茅嘅香氣，煲得夠晒火候
👌🏻 泰式肉碎生菜包
肉碎相當有份量，半肥瘦嘅豬肉連同洋蔥頭已經夠哂惹味，不過略嫌調味相對淡咗少少，生菜可以加多兩三片！
張貼
