爭鮮迴轉壽司 (MOSTown新港城中心(4期))

營業中

休息中

平時自己食爭鮮都係幫襯外賣果間，難得見佢依家開左堂食所以就幫襯一下 ; 因為剛剛新張試業既時候，排隊都要排成一個鐘，難得今日見唔洗排隊就試吓堂食係咪好食啲，因為佢堂食要 $8 一碟。座位都算寬敞，不過衛生情況就真係麻麻地，迴轉帶上面既壽司唔知放左幾耐，因為我見佢條運輸帶都好長下，而且蓋住壽司啲蓋好似唔多衛生有啲有漬，有時見啲蓋重蓋唔晒件壽司，件魚生仲凸咗出嚟。😢 😢以為堂食質素會好啲，每碟收多你兩蚊，點知質素比外賣更差，外賣既口感同光澤仲好過堂食，食完之後都唔知食咗啲咩落肚，始終都係外賣好食。