影片
更多
2022-01-23
364 瀏覽
今日近2點先放飯，兩餸飯賣哂大部份餸，就試下隔離呢間平時排長龍既沾麵舖。到舖頭嗰陣差唔多2點，但店內仍然全店滿座，店員向我介紹可以買外賣，話每日只推出三款沾麵，其中一款係每日限定，我未食過沾麵，問店員會唔會太咸太油，佢話唔會，問我會唔會鍾意食辣，食得辣可以揀2號，於是我就揀咗辛辣豚魚介沾麵。2號辛辣豚魚介沾麵68蚊，付款後等咗15分鐘左右，外賣拎到返公司仲熱，沾麵彈牙，麵條似係人手拉出嚟，沾麵湯底只係微辣，辣度為譚仔10小左右或更小，沾麵湯唔會太油，唔會有層油脂，味道有啲似鰹魚味但傾向鮮味，湯底好好飲全部一飲而盡，沾麵餸有兩大塊豚肉，一隻溏心蛋，整體嚟講比丼丼屋嗰啲連鎖店更好味，食完十分滿足，如果麵既份量可以多返啲會更好，食量大既人應該要問舖頭有無得俾錢加底。食完麵望下個外賣袋，發現袋既背面有漫畫教人點食沾麵，但我早已用自己方式食哂。下次如果嚟唔到堂食，仲可以提早whatsapp買外賣，電話6324 9081。店員話夜晚如果有堂食既話會有飯供應，lunch只有沾麵，希望遲啲無禁堂食可以試下豚肉飯。呢間沾麵舖太受歡迎，每次放飯時間都勁排長龍，希望下次可以入去舖頭食麵感受氣氛！
到舖頭嗰陣差唔多2點，但店內仍然全店滿座，店員向我介紹可以買外賣，話每日只推出三款沾麵，其中一款係每日限定，我未食過沾麵，問店員會唔會太咸太油，佢話唔會，問我會唔會鍾意食辣，食得辣可以揀2號，於是我就揀咗辛辣豚魚介沾麵。
2號辛辣豚魚介沾麵68蚊，付款後等咗15分鐘左右，外賣拎到返公司仲熱，沾麵彈牙，麵條似係人手拉出嚟，沾麵湯底只係微辣，辣度為譚仔10小左右或更小，沾麵湯唔會太油，唔會有層油脂，味道有啲似鰹魚味但傾向鮮味，湯底好好飲全部一飲而盡，沾麵餸有兩大塊豚肉，一隻溏心蛋，整體嚟講比丼丼屋嗰啲連鎖店更好味，食完十分滿足，如果麵既份量可以多返啲會更好，食量大既人應該要問舖頭有無得俾錢加底。
食完麵望下個外賣袋，發現袋既背面有漫畫教人點食沾麵，但我早已用自己方式食哂。
下次如果嚟唔到堂食，仲可以提早whatsapp買外賣，電話6324 9081。
店員話夜晚如果有堂食既話會有飯供應，lunch只有沾麵，希望遲啲無禁堂食可以試下豚肉飯。
呢間沾麵舖太受歡迎，每次放飯時間都勁排長龍，希望下次可以入去舖頭食麵感受氣氛！
辛辣豚魚介沾麵
$68
126 瀏覽
0 讚好
0 留言
辛辣豚魚介沾麵
$98
119 瀏覽
0 讚好
0 留言
溏心蛋
60 瀏覽
0 讚好
0 留言
辛辣豚魚介沾麵(收據)
27 瀏覽
0 讚好
0 留言
張貼
