唐宮小聚 (新港中心)

營業中

休息中

早前我經電話係唐宮小聚落外賣order，到達後我同同事係門口報上單號，店員表示未準備好，於是我地過左隔離餐廳拿另外一份外賣先。大概十分鐘，我地拿完麵包，翻去唐宮小聚，發現仲未有外賣可以拿，跟住繼續等。期間我地都無表現任何不滿，因為理解午飯時間比較忙碌。幾分鐘後有一個店員再問我地外賣號碼，我提供後，佢問我比左錢未。我話未。係我既經驗，大部分舖頭都係拿到外賣再比錢，或者報左外賣號碼後,如果未比錢，餐廳會主動比單收錢。唐宮小聚係先比錢再提供食物，之前等待期間一直無店員講。咁我知左就即刻入去比錢（唐宮小聚收銀處係餐廳入面）。我同事係出面等。行入去途中我聽到有個店員話「原來未比錢.......」事後我同事同我講，個個店員係話緊我地：「原來未比錢，係度死等爛等。」我真係無言可對，原來而家D服務係咁。餐廳要比錢先，其實店員可以提醒一下，而家我地唔係要賴帳，而且我地又無因為要等而表示不滿，反而係店員先發脾氣食物資素唔差，但服務真係極度趕客。