新金榮小廚

營業中

休息中

最鍾意食打冷嘅我，屋企附近有呢一間好出名嘅打冷店，而且價錢一啲都唔貴好抵食！因為疫情關係，仲可以大大碟咁拎返屋企外賣咁食，但係鑊氣仲係好足！我哋全家人大概四五個人食，四碟小菜已經飽到可以第二日繼續食🤣首先係呢個金銀蛋豆苗，最鍾意食豆苗嘅我，佢啲豆苗至少夠新鮮！而且個上湯都夠味，好適合送飯食！而呢一道餸，食落口外脆內軟，而且酸酸甜甜咁，好開胃！而呢一個菠蘿咕嚕肉要整得好食，其實都好難，但係佢除咗啲肉夠多，炸得夠好之外，佢旁邊嘅配料，例如青椒、洋蔥等等，都要炒得香先夠入味，所以呢個位佢真係做得幾好！加埋呢一個火腩豆腐斑腩煲，除咗夠足料之外，佢啲半肥瘦嘅燒腩仔唔會好鹹，而且亦都唔會好難咬個種，啲豆腐亦都好夠味，一個字真係好正！