Itamama Bistro

營業中

休息中

今日休息行街路過呢間店，平時都見人排隊買呢隻烤雞。因為今日竟然唔使排隊，又有職員話啱啱出爐仲有兩隻，我就唔執輸噉要咗隻。我係第一次食嘅，冇諗到咁好食。先 $ 38 蚊，我真係對佢冇任何期望，只係貪平試下嗻。攞到返屋企，我仲要等到夜晚先食。我用微波爐叮返熱，隻雞香噴噴，仲保留咗燒到香噴噴嗰種味，而且啲雞肉一啲都唔鞋，又入味，最重要係食唔到有雪腥味。真係要贊下今日嘅廚師我就係食到一半覺得太好食，忍唔住要去洗手影低啲嘢食，所以隻雞同隻包都俾我食咗幾啖👉👈之後我將食剩咗嘅烤雞撕開一塊一塊留返下一餐食。