一鍋堂 (XX Arcade) (已結業)

無得堂食都要食，一鍋堂推出左幾款外賣烚烚鍋，今次揀左其中兩個鍋配兩款湯底，返屋企烚下烚下。我放工先去一鍋堂落單，落單到拎得走大概15~20分鐘。起初買之前都擔心拎到返去啲湯底會瀉哂，但見到佢包裝得咁好，又衞生又安全，放心哂。👍🐂一鍋牛魔王鍋 $98有安格斯牛肉，安格斯牛粒、封門柳、牛利心托，牛牛靚仔，色水唔錯。另外仲有潮州爽彈牛丸、牛百葉、鴨血、花膠，炸枝竹白蘿蔔，娃娃菜加薯粉。一鍋原味道鍋 $88有西班牙黑毛豬、麻辣撈雞柳、花膠、手打孜然雞丸，潮汕豬肉丸、黑松露墨魚丸、魚腐、韮菜餃、竹笙同娃娃菜加粉絲。好豐富、兩個餐啲配料都唔多重覆，每樣都有返咁上下水準。😋湯底揀左櫻花蝦湯同麻辣湯，兩款好大分別既口味。櫻花蝦湯夠香夠濃，個湯原來有紫菜，夠徤康。麻辣夠香辣🌶️烚下烚下，一定要試埋自家有營花果茶-洛神花茶，清熱同減脂。