飯先生 (已結業)

的確我離遠見到佢哋嗰餐牌吸引咗，見到蘭王醬油漬系列這刻雙眼發光。蘭王蛋平時好鍾意食，貪佢蛋味濃郁。造成將油漬又唔知係乜嘢味道呢？呢間鋪頭主要賣日式丼飯，咖哩飯、滑蛋豬扒飯、鰻魚飯連鰹魚湯烏冬都有。我就叫咗一個蘭王醬油漬牛肉丼返公司食。白飯、牛肉、蘭王蛋都係分開包裝，幾細心。牛肉飯味道好過連鎖店，冇咁鹹，而且更加多牛味。重點果然係嗰個蘭王蛋嗰度，醬油漬咗個蛋黃會變得杰身，黃香更加濃之餘，充分發揮醬油香。所以牛肉飯嘅調味重靠佢。佢其他款式仲有牛舌、封門柳甚至乎連M5和牛都有。值得一試。