稻香.茶居 (荃灣千色匯I)

營業中

休息中

成日煮已經唔知煮什麼好，所以要加料買點外賣換下食物款式又唔駛煮咁多個菜。之前係呢間稻香食過晚飯，煮出來的食品都可口，今日上去望下張外賣紙，買番少少嘢加料。見天氣凍凍地，本來想買羊腩煲，這店話落左牌冇供應啦，於是叫左個臘味糯米飯，都是冬天好味之選，再睇下紅燒乳鴿都好食，要左一隻。等左二十分鐘左右，兩個食物包好給我帶走。回到家盒仍有少少餘溫，不過我都係耍叮一陣才食，外面氣溫八度，唔熱食唔得。糯米飯份量不是太多，可分出三個飯碗，口感黏附，配料有臘腸、臘肉、冬菇、蝦米、花生，整體味道不錯。紅燒乳鴿，鴿身肉多，不是BB鴿，所以都有幾多肉食。雖然紅燒，不過因為外賣，外賣盒內有水氣，皮已不脆了，不過醃料的味滲入鴿肉內，肉質香。