川味美食 (已結業)

依家天氣咁熱唔係好想出街，所以就嗌左網上外賣平台送外賣，今次就試吓呢度嘅紅薯粉，叫咗兩碗，一碗係湯麵令一碗就係撈麵。撈麵要咗寬粉，湯麵就要做普通嘅紅薯粉，兩碗都要左小辣，另外其中一位叫做多花生但係實質好似冇乜多到。但係其實小辣都幾辣下，食到出晒汗，可能下次要少少辣會比較好啲。叫咗肥牛同埋麻辣腩肉，個人覺得麻辣腩肉比較好食，佢又唔會超辣嘅。覺得撈麵比較重口味，如果鍾意食重口味嘅人就啱啦，但我下次都可能要翻湯麵。