御品·千之味 (振萬廣場)

營業中

休息中

夜晚收工懶得煮，就去千之味買外賣。外賣自取可以直接掃QR code落單，方便快捷。款式又多，價錢亦唔貴。叫咗個自選set，有厚切鰻魚飯、刺身同壽司，另外加咗$8要多份螺肉同沙律。鰻魚雖然得兩塊但好大舊同厚身，啖啖肉好好食。刺身有四款共六件，味道好鮮甜。而火炙壽司有五款，件件都好正！最鍾意燒完嗰浸魚香味！燒鯖魚飯定食跟餐有螺肉同沙律。鯖魚外皮燒得香脆，又唔會太燶，配埋醬汁同檸檬汁好啱送飯。壽司冷麵餐跟五款壽司，冷麵就冇咩特別，有蟹柳絲同青瓜絲，不過有大量蟹子，有口感。間唔中食呢間外賣都幾開心，好滿足。