金河小廚

營業中

休息中

今日外母生日，同佢去金河食晚餐，去楊屋道街市買咗三隻龍蝦上去加工，跟住叫咗一隻風沙雞，炸咗都仲好滑，送酒一流。最有驚喜係個冬瓜蓉火腿羹，好香甜清新，每人飲咗幾碗。跟住叫咗炸大腸，腐乳炒通菜正正常常。飯後仲有炸鮮奶同椰汁糕做甜品。金河仲特別幫我預備半打壽桃包俾我外母做生日，服務一流。開心美味，很滿意的一餐。埋單飲埋啤酒連加工費，都不用仟伍蚊，個三隻游水澳洲龍蝦就貴少少，係街市買要六佰蚊。不過大家食得開心滿意，好值得😋😋😋。