泰玖

營業中

休息中

平時幫襯開佢既Lunch set，份量都幾多同抵食。估唔到夜晚，個份量都一樣甘多，性價比幾高。店面睇落細細，其實有兩層高，風格係行工業風，坐落舒服唔迫，食物亦質素唔錯下。泰式海鮮粉絲沙律沙律好清新，有唔同既海鮮配料，魷魚同青口，好足料。沙律配粉絲係好少見的泰式菜式，估唔到都好夾。金不換炒豬肉海鮮河粉呢個應該係我最喜歡既一個菜式，主要係佢既河粉同平時港式河粉好唔同。寬寬的，滑滑的，但又帶少許煙韌，有口感。同醬汁混合一起，十分入味。泰式馬拉盞炒秋葵雜菜馬拉𦾟炒菜絕對無得輸，秋葵清爽，配搭多款雜菜，完全符合我鐘意食菜既喜好。另外，試左士多啤梨活性乳酸菌沙冰同傳統泰式奶茶，各有特色。由其沙冰，可以一試。