影片
更多
2019-05-30
107 瀏覽
隔左兩個月無食omakase 已經心癢難耐，最知我心既男朋友就揀左呢間新開既鮨生賢黎幫我慶祝生日好彩男朋友醒目book定位，當晚有得坐係吧台前睇師傅準備每道菜式，有佳餚品嚐之餘亦可以大飽眼福～先黎前菜三點——有果茄、湯葉同黑棓貝。果茄甜度好高，一食就胃口大開好鐘意質感細嫩既湯葉！北海道真蠔好大隻，裙位好爽脆而蠔身好肥厚同creamy, 好鮮甜而金屬味同海水味都比平日食開既生蠔淡，相信無食開生蠔既人都會好鐘意！白魚味道鮮又甘，口感滑溜～至於酒盜白蝦，我同男朋友就有唔同嘅睇法，我覺得白蝦既甜度之高，只要加上少許青檸汁已經好好食，配上鹹味同鮮味豐厚既酒盜反而有種「妹仔大過主人婆」既感覺，而男朋友就覺得呢個組合新鮮之餘，味道亦好有層次感，整體黎講係一個唔錯既菜式～夏冬兩季既池魚有著截然不同既風味，冬天既池魚係食佢既肥美甘香，而夏天既池魚就相對上脂肪少啲，魚肉紮實。新鮮既赤貝好鮮甜，肉質爽厚。伊佐木比起池魚就相對上柔軟，有清爽既甜味。燒得啱啱好既帶子配上甘甜既海膽絕對係一個唔會出錯既組合，兩種唔同嘅甜味有一加一等於三既效果慢煮鮑魚同八爪魚，兩者都煮得好入味香甜，柔軟度適中，唔會腍到完全無口感第一
先黎前菜三點——有果茄、湯葉同黑棓貝。
果茄甜度好高，一食就胃口大開
好鐘意質感細嫩既湯葉！
北海道真蠔好大隻，裙位好爽脆而蠔身好肥厚同creamy, 好鮮甜而金屬味同海水味都比平日食開既生蠔淡，相信無食開生蠔既人都會好鐘意！
白魚味道鮮又甘，口感滑溜～
至於酒盜白蝦，我同男朋友就有唔同嘅睇法，我覺得白蝦既甜度之高，只要加上少許青檸汁已經好好食，配上鹹味同鮮味豐厚既酒盜反而有種「妹仔大過主人婆」既感覺，而男朋友就覺得呢個組合新鮮之餘，味道亦好有層次感，整體黎講係一個唔錯既菜式～
夏冬兩季既池魚有著截然不同既風味，冬天既池魚係食佢既肥美甘香，而夏天既池魚就相對上脂肪少啲，魚肉紮實。
新鮮既赤貝好鮮甜，肉質爽厚。
伊佐木比起池魚就相對上柔軟，有清爽既甜味。
燒得啱啱好既帶子配上甘甜既海膽絕對係一個唔會出錯既組合，兩種唔同嘅甜味有一加一等於三既效果
慢煮鮑魚同八爪魚，兩者都煮得好入味香甜，柔軟度適中，唔會腍到完全無口感
第一款壽司係常見既金目鯛，微微用火槍炙過後更柔軟甜美
第二款係石鯛，魚肉清爽結實。
第三係金線鯛，同金目鯛一樣比較魚肉細嫩，但魚味更濃。
跟住既係右口魚邊，比平日食開既左口魚罕見，身價亦貴好幾倍，一擺入口魚油香大爆發齒頰留香，久久不散～
一入口先食到牡丹蝦既甘甜同彈性，然後燒過既蝦膏既甘香就隨之而上，又係齒頰留香之作
然後到鮟鱇魚肝，師傅處理得好出色，個酸汁令到魚肝每一啖都好清爽，而魚肝本身亦幼滑無渣，我眨下眼就將半個手心咁大既魚肝消滅左！
海膽杯選用左北海道既馬冀海膽，海膽質素好高
最後既拖羅又係柔軟無筋，一放入口就感受到魚肉同飯慢慢係舌尖融化然後油香爆發既滋味！
呢個鯛魚湯用咗足足七種鯛魚黎煮，飲落比普通魚湯更加鮮甜
右口魚手卷加左青瓜絲，除咗增加爽脆既口感之外，亦帶黎清爽既感覺，食完咁大個充滿魚油香既手卷都唔會有絲毫膩感
最後仲有豆乳味好濃既豆腐雪糕作結，perfect!
張貼
